Les jardinssur les routes de France ..
par minloute le, 03/07/2022pouet , pouet ....
coup d' klaxon quand qu in croiso in vagances à l aut' bout d' la France, eune carette qu ale éto immatriculé comme nous 62.....
fin des années 60, in commincho as' déplacer plus souvint in dehors d' la région....
in avo in vijin qui parto en vagances en Ardèche...
mon diu pour nouzautes, chéto comme chi asteure in diro qu in iro in carette in au fin fond d' l espane ....
ch' éto l époque du qui avo pas chés zautoroutes qui traversotent l'pays dins tous les sens ......
ch' éto l époque du que ché carettes portotent toutes eune galerie such' toit.....
l époque du qu in trouvo un garache et eune station essence sur ché nationales à chaque villache ...
l époque du que ché pignons d' masons étotent peintes par ché publicités Ripolin, Vin fou Henri Maire, Dubonnet......
L époque du qu in s arreto sul' bord d' la route pour pique niquer et in profiter pour ouvrir ch' capot , pour arfroidir ch' moteur ..
fini ch' temps là, asteure y a ché zautoroutes partout d' partout ......
qui nous conduisent bin plus rapid'mint à l aut' bout de la France , mais ch'est pas pour cha qu in a l impression d avoir plus d' temps....
